Gallerys

ເນື່ອງໃນໂອກາດມາເຂົ້າຮ່ວມກອງປະຊຸມສາກົນກ່ຽວກັບການພັດທະນາແມ່ຍິງນະຄອນຊຽງໄຮ້ປີ2018 ແລະ ກອງປະຊຸມປະຈໍາປີຂອງແມ່ຍິງສາວຈິວ. ໃນວັນທີ 17 ກັນຍານີ້ ທ່ານນາງ ບົວຈັນ ສີຫານາດ ຮອງປະທານຄະນະບໍລິຫານງານ ສສຍລ ພ້ອມຄະນະ ໄດ້ຢ້ຽມຢາມຕະຫລາດອາຫານສົດຂອງແມ່ຍິງທີ່ເມືອງຊູຫິນ (Xuhui) ຊຶ່ງຕະຫລາດດັ່ງກ່າວ ແມ່ນເກີດຈາກການຮ່ວມມືສ້າງຕັ້ງຂອງແມ່ຍິງເມືອງດັ່ງກ່າວ ເພື່ອສ້າງຄວາມເຂັ້ມແຂງໃຫ້ແມ່ຍິງໃນການດໍາເນີນທຸລະກິດ. ການບໍລິຫານ ຈັດການຕ່າງໆ ລ້ວນແຕ່ແມ່ນແມ່ຍິງເປັນຄະນະກໍາມະການນໍາພາ ຕະຫລາດແຫ່ງນີ້ຍັງເປັນບ່ອນຊ່ວຍເຫລືອແລະ ປົກປ້ອງເດັກນ້ອຍ ແລະ ຜູ້ສູງອາຍຸດ້ວຍຫລາຍ ກິດຈະກໍາທີ່ເປັນການປະກອບສ່ວນສົ່ງເສີມເຊັ່ນ: ການຝຶກອົບຮົມວິຊາຊີບ, ການດໍາເນີນທຸລະກິດ, ທັກສະການດໍາລົງຊີວິດ ແລະ ການຈ້າງງານ. ຈາກນັ້ນກໍໄດ້ໄປຢ້ຽມ ຢາມຊຸມຊົນຫລືສູນສົ່ງເສີມແມ່ຍິງ (women home) ຊຶ່ງສະຖານທີ່ດັ່ງກ່າວກໍເປັນບ່ອນສົ່ງເສີມກິດຈະກໍາທີ່ເປັນປະໂຫຍດແກ່ແມ່ຍິງແລະເດັກນ້ອຍທົ່ວໄປທີ່ໄດ້ຮັບ ການເອົາໃຈໃສ່ຈາກທັງພາກລັດ ແລະ ສັງຄົມ.

 

10076100771007810079100801008110082

ຄະນະສົງວັດນາໄຊ ເມືອງໄຊເສດຖາ ນະຄອນຫຼວງວຽງຈັນ, ຄະນະສົງວັດພຣະຍອດແກ້ວ ປະເທດອົດສະຕາລີ, ສູນກາງອົງການພຸດທະສາສະໜາສຳພັນລາວ, ກຳມາທິການສາທາຣານູປະການ ຮ່ວມກັບ ມູນນິທິຊ່ວຍເຫຼືອຄົນທຸກຍາກແຫ່ງ ສປປລ, ກຸ່ມບໍລິສັດ ສະຫວັນຄຳ ນໍ້າດື່ມໂຊນ່າ ແລະ ຊາວນະຄອນຫຼວງວຽງຈັນ, ໄດ້ຈັດພິທີມອບເຄື່ອງຊ່ວຍເຫຼືອຜູ້ທີ່ປະສົບໄພທຳມະຊາດນໍ້າຖ້ວມ ລວມມີເຂົ້າສານ 6 ໂຕນ, ນໍ້າດື່ມ 1.000 ແຟັກ, ລວມມູນຄ່າ 61.700.000 ກີບ, ຕາງຫນ້າຮັບໂດຍ ທ່ານ ນ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສູນກາງສະຫະພັນແມ່ຍິງລາວ, ເພື່ອນຳໄປມອບຕໍ່ໃຫ້ຜູ້ປະສົບໄພນໍ້າຖ້ວມ ທີ່ແຂວງຫົວພັນ, ຊຶ່ງພິທີດັ່ງກ່າວໄດ້ຈັດຂຶ້ນໃນວັນທີ 15 ກັນຍາ, ທີ່ວັດນາໄຊ ເມືອງໄຊເສດຖາ, ນະຄອນຫຼວງວຽງຈັນ.

1005310054100551005610057100581005910060100611006210063100631006510066