Gallerys

ຕອນບ່າຍ ວັນທີ 19 ກັນຍາ 2018 ທ່ານ ນ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ເຮັດວຽກຮ່ວມກັບທ່ານ ນ ແພງ ກັນຍາພິນ ຮອງເລຂາພັກແຂວງ, ຮອງເຈົ້າແຂວງໆຫົວພັນ, ຜູ້ຊີ້ນຳວຽກງານປົກຄອງ, ພ້ອມນີ້ທ່ານປະທານ ສສຍລ ໄດ້ແຈ້ງໃຫ້ຊາບໃນການມາເຄື່ອນໄຫວວຽກງານໃນຄັ້ງນີ້ພ້ອມທັງມອບເຄື່ອງຊ່ວຍເຫລືອບັນເທົາທຸກໃຫ້ກັບພໍ່ແມ່ປະຊາຊົນຜູ້ຖືກຜົນກະທົບຈາກໄພນໍ້າຖ້ວມ ພາຍໃນແຂວງຫົວພັນ. ຫລັງຈາກນັ້ນໄດ້ມອບເງິນສົດ ຈຳນວນ 10.000.000 ກີບ ແລະ ມອບເຄື່ອງ, ເຊິ່ງເຄື່ອງນໍາມາມອບຄັ້ງນີ້ມີ: ເຂົ້າ 5 ໂຕນ, ນໍ້າດື່ມ 500 ແກັດ, ຢາປິ່ນປົວພະຍາດ 150 ກັບ, ເຄື່ອງນຸ່ງຫົ່ມຈຳນວນນຶ່ງ, ເຄື່ອງໃຊ້ປະຈຳວັນ, ເກີບແຕະ ແລະ ເຄື່ອງຄົວເຮືອນລວມມູນຄ່າທັງຫມົດ 100.500.000 ກີບ. ຕາງຫນ້າຮັບໂດຍທ່ານ ນ. ແພງ ກັນຍາພິນ ຮອງເລຂາພັກແຂວງ, ຮອງເຈົ້າແຂວງໆຫົວພັນ ຜູ້ຊີ້ນຳວຽກງານປົກຄອງ. ພິທີມອບເຄື່ອງໄດ້ຈັດຂຶ້ນຢູ່ທີ່ຫ້ອງວ່າການປົກຄອງແຂວງຫົວພັນ.

1024810249102501025110252102531025410255

ວັນທີ 19 ກັນຍາ 2018 ຢູ່ທີ່ບ້ານສົບເລົ້າເມືອງຫົວເມືອງ ແຂວງຫົວພັນ ໄດ້ຈັດພິທີມອບເຄື່ອງຊ່ວຍເຫລືອຜູ້ປະສົບໄພນໍ້າຖວ້ມ ຕາງຫນ້າມອບໂດຍ ທ່ານ ນ. ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ແລະ ຕາງຫນ້າຮັບເຄື່ອງໂດຍ: ທ່ານ ອົມ ພົມບຸນມີໄຊ ຮອງເຈົ້າເມືອງໆຫົວເມືອງ ແຂວງຫົວພັນ ພ້ອມດ້ວຍ ສຍແຂວງ, ເມືອງ ແລະພໍ່ແມ່ປະຊາຊົນເຂົ້າຮ່ວມ. ເຄື່ອງທີ່ນໍາມາມອບຄັ້ງນີ້ມີ: ເຄື່ອງນຸ່ງຫົ່ມ 130 ເປົາ, ເຂົ້າສານ 2 ໂຕນ, ມີ່ 50 ແກັດ, ຢາປິ່ນປົວພະຍາດ, ເຄື່ອງຄົວເຮືອນ, ລວມມູນຄ່າທັງຫມົດ 23.000.000 ກີບ.

1023110232102331023410235102361023710239102401024110242102431024310244102451024610247