Gallerys

ສສຍລ ຈັດກອງປະຊຸມຂຶ້ນແຜນກຳນົດພະນັກງານນຳພາ-ຄຸ້ມຄອງ ຂອງ ສສຍລ. ໃນກອງປະຊຸມໄດ້ ຜ່ານແຈ້ງການແນະນຳ ສະບັບເລກທີ 168/ຄຈສພ, ລົງວັນທີ 10 ສິງຫາ 2018 ເລື່ອງການກະກຽມພະນັກງານສືບທອດປ່ຽນແທນຕຳແຫນ່ງນໍາພາ-ຄຸ້ມຄອງແຕ່ລະຂັ້ນ, ມະຕິຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບ ວຽກງານຂຶ້ນແຜນກຳນົດພະນັກງານນຳພາ-ຄຸ້ມຄອງ, ເຊື່ອມຊຶມຄືນມະຕິ ສະບັບເລກທີ 030/ກມສພ, ລົງວັນທີ 3 ມັງກອນ 2018 ວ່າດ້ວຍມາດຕະຖານພະນັກ ງານນຳພາ-ຄຸ້ມຄອງ, ມະຕິສະບັບເລກທີ 032/ກມສພ, ລົງວັນທີ 3 ມັງກອນ 2018 ວ່າດ້ວຍການຂຶ້ນແຜນກຳນົດພະນັກງານນຳພາ-ຄຸ້ມຄອງ, ຜ່ານຄຳແນະນຳ ສະບັບເລກທີ 292/ຄຈສພ, ລົງວັນທີ 26 ເມສາ 2018 ວ່າດ້ວຍການຂຶ້ນແຜນກຳນົດພະນັກງານນຳພາ-ຄຸ້ມຄອງ ແລະ ມາດຕະຖານພະນັກງານນຳພາ-ຄຸ້ມຄອງ ຂອງ ສສຍລ ສະບັບເລກທີ 73/ສສຍລ,ລົງວັນທີ 24 ກໍລະກົດ 2018. ຫລັງຈາກນັ້ນກອງປະຊຸມຈະໄດ້ດຳເນີນການທາບທາມແຜນກຳນົດພະນັກງານນຳພາ-ຄຸ້ມຄອງໃນ ແຕ່ລະຂັ້ນຂອງ ສສຍລ. ກອງປະຊຸມດັ່ງກ່າວຈະດຳເນີນເປັນເວລາ2ວັນຄື: ວັນທີ 10-11 ກັນຍານີ້ ພາຍໃຕ້ການເປັນປະທານຂອງ ທ່ານນາງ ອິນລາວັນ ແກ້ວບຸນພັນ ກຳມະການສູນກາງພັກ ເລຂາຄະນະພັກ ປະທານຄະນະບໍລິຫານງານ ສສຍລ. ເຂົ້າຮ່ວມໂດຍ ທ່ານ ຮອງເລຂາຄະນະພັກ, ຮອງປະທານຄະນະບໍລິຫານງານ ສສຍລ, ຄະນະພັກ, ບັນດາຄະນະຫນ່ວຍພັກກົມ, ຫ້ອງການ, ສູນ, ຫ້ອງການ ຄຊກມດ, ລັດວິສາຫະກິດຝ້າຍລາວ ພ້ອມດ້ວຍ ພະນັກງານລັດຖະກອນ ສສຍລ ເຂົ້າຮ່ວມ.

80918092

809380948095809680978098809990009001900290049005

ສຍ, ກຸ່ມນັກທຸລະກິດແລະ ມະຫາວິທະຍາໄລ ນະຄອນຊຽງໄຮ້ ຊ່ວຍເຫຼືອແມ່ຍິງລາວ
ວັນທີ 06/09/2018 ຄະນະຜູ້ແທນຂັ້ນສູງສູນກາງສະຫະພັນແມ່ຍິງລາວ ນຳໂດຍ ທ່ານ ດຣ ນາງ ອິນລາວັນ ແກ້ວບຸນພັນ ກຳມະການສູນກາງພັກ, ປະທານຄະນະບໍລິຫານງານ ແລະ ທ່ານນາງ ສີລິກິດ ບຸບຜາ ຮອງປະທານ ໄດ້ສືບຕໍ່ຢ້ຽມຢາມ, ພົບປະ, ປຶກສາຫາລື ແລະ ແລກປ່ຽນບົດຮຽນຢູ່ນະຄອນຊຽງໄຮ້ ໂດຍເດີນທາງໄປຢ້ຽມຢາມກຸ່ມບໍລິສັດ Heng Yuan xiang (HYX group), ຄະນະກຳມະການທີ່ປຶກສາການເມືອງການປົກຄອງນະຄອນຊຽງໄຮ້, ມະຫາວິທະຍາ ໄລພະລັງງານໄຟຟ້າ(SUEP) ແລະ ກົງສູນໃຫຍ່ສປປ ລາວ ປະຈຳນະຄອນຊຽໄຮ້. HYX group ເປັນກຸ່ມນັກທຸລະກິດດີເດັ່ນຢູ່ນະຄອນຊຽງໄຮ້ ສ້າງຕັ້ງໃນປີ 1927 ແລະ ດຳເນີນການຜະລິດສິນຄ້າຮັບໃຊ້ສັງຄົມເປັນເວລາຍາວນານເຖິງ 91 ປີ ມີຜະລິດຕະພັນຕົ້ນຕໍ 4 ລາຍການຄື: 1.ຜະລິດຕະພັນເຮັດດ້ວຍແລນ (ໄໝພົມ) 2. ເສື້ອຜ້າອາພອນຊະນິດຕ່າງໆຫຼາກຫຼາຍຮູບແບບ 3. ແຜ່ນແພ (ຜ້າຫົ່ມ) ແລະ 4. ເຄື່ອງນຸ່ງ-ເຄື່ອງຫຼິ້ນສຳລັບເດັກນ້ອຍ ໂດຍແມ່ນທ່ານ GU Honglei ຮອງປະທານ ພ້ອມດ້ວຍຄະນະໃຫ້ກຽດຕ້ອນຮັບ. ນອກຈາກນີ້ ກຸ່ມບໍລິສັດ HYX ຍັງໃຫ້ຄວາມສຳຄັນ ໃນການຊຸກຍູ້ສະໜັບສະໜູນກິດຈະກຳຊ່ວຍເຫຼືອສັງຄົມດ້ານກິລາ ສິລະປະ ວັດທະນະທຳອື່ນໆ ແມ່ຍິງຂອງກຸ່ມ HYX ເປັນກຳລັງການຜະລິດທີ່ໄດ້ຮັບຄວາມເຊື່ອໝັ້ນ ແລະ ຕັດສິນຂະບວນການເຕີບໃຫຍ່ຂະຫຍາຍຕົວຂອງການ ຕະຫຼາດໃນໄລຍະໃໝ່ ໂດຍໄດ້ຮ່ວມຜະລິດເຄື່ອງນຸ່ງໃຫ້ນັກກິລາໂອລິມປິກ 3 ຄັ້ງຫຼ້າສຸດຕິດຕໍ່ກັນເຊຶ່ງໃນປີຜ່ານມາ ສຍ ແລະ ກຸ່ມບໍລິສັດນະຄອນຊຽງໄຮ້ກໍໄດ້ມີ ການໄປ-ມາພົວພັນຮ່ວມືສະໜິດສະໜົມໃນຖານະເພື່ອນຮ່ວມຊະຕາກຳ ດ້ວຍການມອບເຄື່ອງຊ່ວຍເຫຼືອມູນຄ່າ 62.300 ຢວນ ແລະ ເພື່ອຊ່ວຍເຫຼືອຟື້ນຟູຊີວິດ ການເປັນຢູ່ຂອງແມ່ຍິງ-ເດັກນ້ອຍທີ່ພວມປະສົບໄພນ້ຳຖ້ວມ ເວົ້າສະເພາະຢູ່ເມືອງສະໜາມໄຊ ແຂວງອັດຕະປື HYX ໄດ້ມອບເງິນຈຳນວນ 100 ລ້ານກີບ ຜ່ານ ສສຍລ. ສຳລັບ ມະຫາວິທະຍາໄລພະລັງງານໄຟຟ້າ ນະຄອນຊຽງໄຮ້ ໄດ້ຕົກລົງມອບທຶນການສຶກສາໄລະສັ້ນ 2 ທຶນ ແລະ ໄລຍະຍາວ 5 ທຶນ, ເພື່ອສ້າງເງື່ອນໄຂ ແລະ ໂອກາດໃຫ້ແກ່ແມ່ຍິງໄດ້ໄປຍົກລະດັບໃນແຕ່ລະປີ.

8080808180828083808480858086808780888089