Gallerys

ຄະນະສົງວັດນາໄຊ ເມືອງໄຊເສດຖາ ນະຄອນຫຼວງວຽງຈັນ, ຄະນະສົງວັດພຣະຍອດແກ້ວ ປະເທດອົດສະຕາລີ, ສູນກາງອົງການພຸດທະສາສະໜາສຳພັນລາວ, ກຳມາທິການສາທາຣານູປະການ ຮ່ວມກັບ ມູນນິທິຊ່ວຍເຫຼືອຄົນທຸກຍາກແຫ່ງ ສປປລ, ກຸ່ມບໍລິສັດ ສະຫວັນຄຳ ນໍ້າດື່ມໂຊນ່າ ແລະ ຊາວນະຄອນຫຼວງວຽງຈັນ, ໄດ້ຈັດພິທີມອບເຄື່ອງຊ່ວຍເຫຼືອຜູ້ທີ່ປະສົບໄພທຳມະຊາດນໍ້າຖ້ວມ ລວມມີເຂົ້າສານ 6 ໂຕນ, ນໍ້າດື່ມ 1.000 ແຟັກ, ລວມມູນຄ່າ 61.700.000 ກີບ, ຕາງຫນ້າຮັບໂດຍ ທ່ານ ນ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສູນກາງສະຫະພັນແມ່ຍິງລາວ, ເພື່ອນຳໄປມອບຕໍ່ໃຫ້ຜູ້ປະສົບໄພນໍ້າຖ້ວມ ທີ່ແຂວງຫົວພັນ, ຊຶ່ງພິທີດັ່ງກ່າວໄດ້ຈັດຂຶ້ນໃນວັນທີ 15 ກັນຍາ, ທີ່ວັດນາໄຊ ເມືອງໄຊເສດຖາ, ນະຄອນຫຼວງວຽງຈັນ.

1005310054100551005610057100581005910060100611006210063100631006510066

ວັນທີ 14 ກັນຍາ 2018, ທ່ານ ນ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ, ພ້ອມດ້ວຍຄະນະ ໄດ້ເຄື່ອນໄຫວຕິດຕາມ, ຊຸກຍູ້ວຽກງານການສ້າງພະນັກງານນຳພາ-ຄຸ້ມຄອງເພດຍິງ, ຢູ່ທີ່ຄະນະກວດກາສູນກາງພັກ.ທ່ານປະທານຄະນະບໍລິຫານງານ ສສຍລ, ໄດ້ເຮັດວຽກຮ່ວມກັບ ທ່ານ ໄຊຄຳ ອຸ່ນມີໄຊ ຄະນະພັກ ຮອງປະທານຄະນະກວດກາສູນກາງພັກ ແລະ ອົງການກວດກາລັດຖະບານເຊິ່ງໄດ້ປຶກສາຫາລືຕໍ່ການຊຸກຍູ້ເອື້ອຍນ້ອງແມ່ຍິງ ເຂົ້າໃນການ ປະຕິບັດຫນ້າທີ່ວຽກງານ, ສ້າງໂອກາດໃຫ້ເອື້ອຍນ້ອງແມ່ຍິງໄດ້ພັດທະນາຕົນເອງ, ພັດທະນາຄອບຄົວ ແລະ ພັດທະນາການຈັດຕັ້ງໃຫ້ມີຄວາມເຂັ້ມແຂງ, ເພື່ອກະ ກຽມບຸກຄາລາກອນເພດຍິງໃຫ້ແກ່ກອງປະຊຸມໃຫຍ່ 3 ຂັ້ນຂອງພັກ ແລະ ກອງປະຊຸມໃຫຍ່ 3 ຂັ້ນຂອງສະຫະພັນແມ່ຍິງ.

100441004510046100471004810049100501005110052