ວຽກບ້ານງານສີມື
- Details
- Written by Super User
- Category: ວຽກບ້ານງານສີມື
- Hits: 325
ຫົວສີໃຄເປັນຢາພື້ນເມືອງ ທີ່ພວກເຮົານໍາມາປຸງແຕ່ງອາຫານຫວານ-ຄາວຫຼາຍຢ່າງ, ປູກງ່າຍຫາຊື້ກໍບໍ່ຍາກ. ປັດຈຸບັນ ຄົນ
ເຮົາຫັນມາເນັ້ນໃສ່ການບໍລິໂພກອາຫານທີ່ປອດສານພິດ ດັ່ງນັ້ນ, ນໍ້າຫົວສີໃຄກໍຖືວ່າເປັນທາງເລືອກທີ່ດີ ສໍາລັບຄົນທີ່ຮັກສາສຸຂະພາບ ແລະ
ຍັງມີລົດຊາດແຊບ ກິ່ນຫອມ ເໝາະສຳລັບດື່ມໃນຍາມຮ້ອນ, ບໍາລຸງຮ່າງກາຍຊ່ວຍໃຫ້ຈະເລີນອາຫານ, ຂັບລົມ, ຂັບເຫື່ອຊ່ວຍບັນເທົາອາ
ການຫວັດ, ໄອ, ຍື່ງທ້ອງ. ວິທີເຮັດກໍງ່າຍຈະເຮັດໄວ້ດື່ມເອງ ຫຼື ເຮັດຂາຍກໍໄດ້.
- ສ່ວນປະກອບ
- ຫົວສີໃຄ ເຄິ່ງກິໂລ
- ໃບເຕີຍ 3 ໃບ ໄວ້ຕົ້ມໃສ່ກັບຫົວສີໃຄ
- ນໍ້າສະອາດ 4-5 ລິດ
- ນໍ້າຕານ ເຄິ່ງກິໂລ (ຫຼືໃສ່ໜ້ອຍ,ຫຼາຍ ຕາມຄວາມມັກ)
- ເກືອ ເຄິ່ງບ່ວງກາເຟ
- ວິທີເຮັດ
ເລີ່ມຈາກການກຽມຫົວສີໃຄ ລ້າງນໍ້າໃຫ້ສະອາດ ນໍາມາຊອຍເປັນຕ່ອນຂະໜາດ 2 ຂໍ້ມື ແລ້ວທຸບໃຫ້ແຕກ ເພື່ອໃຫ້ມີກິ່ນຫອມຂອງ
ຫົວສີໃຄ ແລ້ວຕົ້ມພ້ອມກັບໃບເຕີຍ ພ້ອມທັງໃສ່ເກືອ ຕົ້ມປະມານ 15-20 ນາທີ ເພື່ອໃຫ້ຫົວສີໃຄອອກສີ. ຈາກນັ້ນກໍຕອງດ້ວຍຜ້າຂາວ
ບາງ ໂດຍທົບຜ້າ 2-3 ຊັ້ນ ເພື່ອຕອງເອົາເຫຍື້ອຫົວສີໃຄອອກ ເມື່ອໄດ້ນໍ້າຫົວສີໃຄແລ້ວ ໃສ່ນໍ້າຕານໃນເວລານໍ້າຍັງຮ້ອນໆ ຄົນໃຫ້ນໍ້າ
ຕານລະລາຍ, ຊີມລົດຊາດແລ້ວປຸງໃຫ້ໄດ້ຕາມໃຈມັກ. ຖ້າໃຫ້ນໍ້າອຸ່ນກໍຕອງອີກຄັ້ງ ຈາກນັ້ນໃສ່ຈອກ ແລະ ຕຸກ ເອົາໄວ້ດື່ມ ສູດນີ້ຮັກສາໄວ້
ໄດ້ 2 ອາທິດ ໃນອຸນຫະພູມທຳມະດາຂອງຕູ້ເຢັນ.
ຂໍ້ມູນຈາກ: https: goo.gl/Y6SmT7
ໂດຍ: ແມ່ເຮືອນ
- Details
- Written by Super User
- Category: ວຽກບ້ານງານສີມື
- Hits: 761
ຫົວສີໃຄ ເປັນພືດທຳມະຊາດຊະນິດໜຶ່ງທີ່ໃຫ້ປະໂຫຍດຫຼາຍຢ່າງ ໃຊ້ເປັນສ່ວນປະກອບໃນການປຸງແຕ່ງອາຫານ, ເປັນເຄື່ອງດື່ມ ທີ່ຊ່ວຍບຳລຸງຮ່າງກາຍໃຫ້ແຂງແຮງ ທັງມີຄຸນ ປະໂຫຍດເປັນຢາປົວພະຍາດຕື່ມອີກ. ນອກຈາກນີ້ ຫົວສີໃຄຍັງສາມາດບຳລຸງຜົມຊ່ວຍປ້ອງກັນ ແລະ ແກ້ໄຂບັນຫາຜົມແຕກປາຍ, ປ້ອງກັນຜົມຫຼົ່ນ, ຫຼຸດອາການຄັນໜັງຫົວ ທັງເຮັດໃຫ້ຜົມອ່ອນນຸ້ມ ແລະ ເງົາງາມອີກດ້ວຍ.
ຫົວສີໃຄ ມີສານອາຫານທີ່ສຳຄັນ ເປັນຕົ້ນ ວິຕາມິນຊີ, ເອ ແລະ ຍັງມີສ່ວນປະກອບຂອງນຳ້ມັນຊະນິດໜຶ່ງ ທີ່ຊ່ວຍບຳລຸງຜົມອີກດ້ວຍ. ສຳລັບແມ່ຍິງທີ່ຜົມຍາວ ແຕ່ມັກມີບັນຫາຜົມແຫ້ງ, ແຕກປາຍລອງນຳເອົາສູດນຳ້ຫົວສີໃຄໄປໝັກຜົມ ເພື່ອໃຫ້ເສັ້ນຜົມແຂງແຮງ ແລະ ມີນຳ້ໜັກ.
- ວິທີເຮັດນຳ້ຫົວສີໃຄມີດັ່ງນີ້: ນຳເອົາຫົວສີໄຄ 1-2 ຫົວ ມາລ້າງນຳ້ໃຫ້ສະອາດ ຈາກນັ້ນ ນຳມາຕຳໃຫ້ແຫຼກດີ ຄັ້ນເອົາແຕ່ນຳ້ ແລ້ວນຳມາສະຜົມໃຫ້ສະອາດນອກຈາກນີ້ ຍັງສາມາດນຳເອົານຳ້ຫົວສີໃຄມາໝັກຜົມໃຫ້ທົ່ວ ໂດຍສະເພາະປາຍຜົມທີ່ແຫ້ງ ປະໄວ້ປະມານ 10 ນາທີ ຈຶ່ງລ້າງອອກດ້ວຍນຳ້ສະອາດ ຈະເຮັດໃຫ້ສຸຂະພາບຜົມດີຂຶ້ນ, ອາການຜົມຫຼົ່ນຈະຫຼຸດລົງ, ສິ່ງສຳຄັນ ຄວນປະຕິບັດທຸກໆຄັ້ງທີ່ສະຜົມ ຢ່າງໜ້ອຍປະມານ 1-2 ເດືອນຕິດຕໍ່ກັນຈຶ່ງຈະສາມາດເຫັນຜົນໄດ້.
ໂດຍ: ວຽງພອນ
- Details
- Written by Super User
- Category: ວຽກບ້ານງານສີມື
- Hits: 593
ເຄື່ອງປະກອບ
- ກ້ວຍເຫີ່ມ 1 ຫວີ
- ນໍ້າຫົວກະທິ ແລະ ໃນໝາກພ້າວ ອ່ອນຂູດເປັນເສັ້ນ ຢ່າງລະ 1 ຖ້ວຍນ້ອຍ
- ເກືອ 1 ບ່ວງກາເຟ
- ນຳ້ຕານ ½ ຖ້ວຍນ້ອຍ (ຕາມ ຄວາມເໝາະສົມສຳລັບຜູ້ມັກຫວານ ຫຼື ບໍ່ ມັກຫວານສາມາດກະປະລິມານເອງໄດ້)
- ແປ້ງສາລີ 1 ບ່ວງແກງ (ປະສົມນຳ້ໃຫ້ເຂົ້າກັນ)
ວິທີເຮັດ
ນຳເອົານ້ຳຫົວກະທິໃສ່ໝໍ້ ຂ້ຽວໄຟອ່ອນໆ ຈາກນັ້ນໃສ່ເກືອ, ນຳ້ຕານ ຕາມ ຄວາມເໝາະສົມ ໃສ່ໝາກພ້າວອ່ອນທີ່ກຽມໃວ້ນັ້ນ ຄົນໃຫ້ເຂົ້າກັນ ເມື່ອເຫັນວ່າກະທິແຫ້ງລົງໃຫ້ໃສ່ແປ້ງສາລີ ແລ້ວຂ້ຽວໃຫ້ເປັນເນື້ອດຽວກັນກໍສາມາດປົງລົງໄດ້. ນຳເອົາໝາກກ້ວຍປອກ ເປືອກ ແລະ ປີ້ງໃຫ້ສຸກຫອມດີ ຈາກນັ້ນ ໃຊ້ມີດທັບກ້ວຍທີ່ປີ້ງໃຫ້ແຕກ ແລ້ວນຳເອົາຫົວກະທິທີ່ຂ້ຽວມາຖອກໃສ່ໝາກກ້ວຍ ກໍຖືວ່າ ສຳເລັດ. ສຳລັບເມນູກ້ວຍປີ້ງໝາກ ພ້າວອ່ອນ ໃຊ້ຕົ້ນທຶນບໍ່ສູງປານໃດ ທ່ານສາມາດເຮັດໄວ້ກິນເປັນຂອງຫວານໃນຄອບຄົວ ຫືຼ ເຮັດ ຂາຍສ້າງລາຍຮັບໃຫ້ຕົນເອງ ກໍໄດ້.
ໂດຍ: ແມ່ນຸກ
- Details
- Written by Super User
- Category: ວຽກບ້ານງານສີມື
- Hits: 1084
ເຂົ້າໜົມຈ້າວສູດຊຽງຂວາງມີວິທີເຮັດແບບງ່າຍໆ, ລົງທຶນໜ້ອຍ ສາມາດເຮັດຂາຍເປັນອາຊີບເສີມ ໄດ້ກໍາໄລດີ, ນອກຈາກນີ້ຍັງສາ
ມາດເຮັດເປັນຂອງຕ້ອນໃນງານບຸນ ຫຼື ຈະເຮັດກິນສະເພາະຄອບຄົົວກໍໄດ້ ຊຶ່ງສູດເຂົ້າໜົມຈ້າວຊຽງຂວາງທີ່ ວາລະສານ ສາວລາວ ນໍາມາ
ສະເໜີນີ້ ຮັບຮອງວ່າ ກິນແລ້ວຈະຕິດໃຈ ແລະ ຂາຍດີມີກໍາໄລງາມແນ່ນອນ.
ອຸປະກອນ ສ່ວນປະກອບປຸງແຕ່ງແປ້ງເຂົ້າໜົມຈ້າວ:
- ໝໍ້ແກງ 1 ໜ່ວຍ - ແປ້ງເຂົ້າຈ້າວ 1 ກິໂລ
- ໜໍ້ຂາງ 1 ໜ່ວຍ - ນໍ້າດື່ມ 5 ລິດ
- ໝໍ້ຊຶງ - ນ້ຳມັນພືດ 1 ບ່ວງແກງ
- ໃບຕອງປະມານ 6 ໃບ - ເກືອ 2 ບ່ວງກາເຟ
- ແປ້ງນົວ 1 ບ່ວງກາເຟ
ສ່ວນປະກອບໄສ້ເຂົ້າໜົມຈ້າວ:
-ຊີ້ນໝູບົດ ຫຼື ຟັກ 5 ຂີດ -ເຫັດຫູໜູຊອຍແລບໆ 3 ຂີດ
- ນ້ຳມັນພືດ 2 ບ່ວງແກງ - ເກືອ 1 ບ່ວງແກງ
- ແປ້ງນົວ 1 ບ່ວງກາເຟ - ພິກໄທ 1 ບ່ວງແກງ
- ຫົວຜັກບົ່ວແຫ້ງ 3 ຫົວ (ຊອຍ) - ຫົວຜັກທຽມແຫ້ງ 5 ກີບ (ທຸບໃຫ້ມຸ່ນ)
- ຫົວຜັກບົ່ວຈຽວ 2 ບ່ວງແກງ - ຜັກຫອມບົ່ວໃບຊອຍ (ຕາມໃຈມັກ)
ວິທີເຮັດເຂົ້າໜົມ
ນໍາແປ້ງເຂົ້າຈ້າວໄປປະສົມກັບນໍ້າ 2 ລິດ ປະໄວ້ ຫຼັງຈາກນັ້ນຕົ້ມນ້ຳ 3 ລິດ ນໍາເອົາເກືອ, ແປ້ງນົວ ທີ່ກຽມໄວ້ລົງໃນໝໍ້ແລ້ວເລັ່ງ
ໄຟ, ຕົ້ມນໍ້າຈົນຟົດແລ້ວນໍາເອົາແປ້ງ ແລະ ນໍ້າມັນທີ່ກຽມໄວ້ລົງໄປໃນໝໍ້ນ້ຳ ແລ້ວຜ່ອນໄຟລົງ ພ້ອມທັງຄົນໃຫ້ສະໝໍ່າສະເໝີ ເພື່ອບໍ່ໃຫ້ແປ້ງ
ຕິດໝໍ້, ຕົ້ມຈົນໃຫ້ແປ້ງແຂ້ນດີ (ສາມາດຫໍ່ໃສ່ໃບຕອງໄດ້) ແລ້ວປົງປະໄວ້ໃຫ້ເຢັນ.
ວິທີຂົ້ວໄສ້ເຂົ້າໜົມຈ້າວ
ເອົານ້ຳມັນພືດທີ່ກຽມໄວ້ລົງໃນໝໍ້ຂາງຄ້າງໄຟໃຫ້ຮ້ອນ ແລ້ວໃສ່ຫົວຜັກບົ່ວແຫ້ງ, ຫົວຜັກທຽມ, ທີ່ກຽມໄວ້ລົງໃນໝໍ້ຈຽວໃຫ້ເຫຼືອງ
ຈົນມີກິ່ນຫອມ ຈາກນັ້ນໃສ່ຊີ້ນໝູລົງໄປຂົ້ວປະມານ 5 ນາທີ, ແລ້ວໃສ່ເຫັດຫູໜູ, ເກືອ, ແປ້ງນົວ, ພິກໄທ ແລ້ວຂົ້ວຈົນກວ່າຊີ້ນໝູ ແລະ
ເຫັດຫູໜູສຸກ ຈຶ່ງໃສ່ຫົວຜັກບົ່ວຈຽວ ແລະ ຜັກບົ່ວໃບລົງໄປຄົນໃຫ້ທົ່ວແລ້ວປົງລົງ.
ວິທີຫໍ່
ເອົາແປ້ງ ແລະ ໄສ້ເຂົ້າໜົມ ທີ່ກຽມໄວ້ນັ້ນ (ປະລິມານຕາມໃຈມັກ) ຕັກໃສ່ໃບຕອງແລ້ວຫໍ່ເປັນຮູບສາວຫຼ່ຽມ ຫຼື ຕາມຮູບແບບທີ່
ມັກ. ຈາກນັ້ນນໍາໄປໃສ່ໝໍ້ຊຶງແລ້ວໜຶ້ງ ປະມານ 15-20 ນາທີ ຫຼື ຊີມເບິ່ງໃຫ້ແປ້ງສຸກດີ ຈຶ່ງປົງໝໍ້ຊຶງລົງປະໃຫ້ເຢັນແລ້ວນຳໄປຮັບປະທານ
ໄດ້ເລີຍ.ຄວນກິນກັບນ້ຳແຈ່ວ ທີ່ມີລົດຊາດ ເຜັດ, ສົ້ມ, ຫວານ ກໍ່ຈະເພີ່ມລົດຊາດທີ່ແຊບຍິ່ງຂຶ້ນ ຫຼື ທ່ານໃດມັກກິນລົດຊາດແບບໃດກໍ່ສາມາດ
ປຸງແຈ່ວຕາມໃຈມັກ.
ໂດຍ: ສາວເມືອງພວນ